ჯალაღონია: Myway Airlines-ის განაცხადი და ინვესტიცია უაღრესად მნიშვნელოვანია ქვეყანის საავიაციო დარგის განვითარებისათვის

თბილისი (BPI) – Myway Airlines-ი ამ ეტაპზე რიგით მეორე ქართული ავიაგადამზიდველი იქნება, რომელიც საერთაშორისო კომერციულ გადაყვანა-გადაზიდვებს საქართველოდან განახორციელებს, – აცხადებს ეკონომიკისა და მდგრადი განვითარების სსიპ სამოქალაქო ავიაციის სააგენტოს ხელმძღვანელი გურამ ჯალაღონია.

როგორც ჯალაღონია განმარტავს, ეს არის სერიოზული განაცხადი და უაღრესად მნიშვნელოვანი ინვესტიცია ქვეყანაში საავიაციო დარგის შემდგომი განვითარებისათვის.

„ავიაკომპანია დაკომპლექტებულია ქართული საფრენოსნო და ტექნიკური პერსონალით რაც ხელს შეუწყობს პროფესიონალი ავიასპეციალისტების შენარჩუნებას საქართველოში და ახალი კადრების მომზადებას. ასევე, რაც ყველაზე მთავარია საავიაციო ბაზარზე კიდევ ერთი ქართული ავიაკომპანიის ოპერირება – ეს არის მეტი შესაძლებლობა და არჩევანი მგზავრებისთვის, უფრო მეტი ხელმისაწვდომობა სხვადასხვა მიმართულებაზე და კონკურენტუნარიანი ფასების გაჩენის შესაძლებლობა. დარწმუნებულები ვართ, რომ ახალი ქართული ავიაკომპანიის მომხმარებლები მიიღებენ უსაფრთხო და კომფორტულ მომსახურებას. როგორც საავიაციო ხელისუფლების წარმომადგენელი, ჩემთვის უაღრესად მნიშვნელოვანია, რომ ავიაკომპანიამ მუდმივად შეინარჩუნოს ფრენების უსაფრთხოების მაღალ სტანდარტები და განვითარდეს იმ კომერციული და ბიზნეს-გეგმის შესაბამისად, რაც წარმოდგენილი აქვს სამოქალაქო ავიაციის სააგენტოში”, აღნიშნა გურამ ჯალაღონიამ, რომელიც დღეს ავიაკომპანია Myway Airlines-ი​ს პირველი რეგულარული რეისის განხორციელების საზეიმო ცერემონიალს ესწრებოდა.

შემთხვევითი სიახლე

ბაზარს საცალო დაკრედიტების გაჯანსაღების არ სჯერა

თბილისი (BPI) – საცალო დაკრედიტების “გაჯანსაღებით”, ეკონომიკის 3%-იან ვარდნაზე,  საბანკო და მისი თანამოაზრე 10  ასოციაციის …