თუშეთის პარკში ტურისტული ბილიკების მარკირება განხორციელდა (ფოტოები)

თბილისი (BPI) – თუშეთის ეროვნულ პარკში ტურისტული ბილიკების მარკირება განხორციელდა. სამუშაოები პროექტის „შერჩევითი ღონისძიებების განხორციელება თუშეთის დაცული ლანდშაფტის მენეჯმენტის გეგმიდან“ ფარგლებში ჩატარდა.

პროექტში მონაწილეობა ჩეხეთის სხვადასხვა უნივერსტეტის სტუდენტებმა მიიღეს.

სრულად მოინიშნა შემდეგი ტურისტული მარშრუტები: კესელო-ქუე, დართლო-კვავლო, დიკლო და დოჭუ. ნაწილობრივი მარკირება განხორციელდა დაქუეხის, წოვათას, გონთას, სიყვარულის ციხის და ალაზნისთავის ბილიკებზე.

თუშეთის ეროვნულ პარკში სულ 11 ტურისტული ბილიკია.