ანაკლიის პორტის პროექტი უკრაინაში ტრანსპორტისა და ლოგისტიკის ფორუმზე წრადგინეს

თბილისი (BPI) – უკრაინაში, ქალაქ ოდესაში, ტრანსპორტისა და ლოგისტიკის რიგით მე-17 კვირეული ჩატარდა, სადაც მონაწილეობა „ანაკლიის განვითარების კონსორციუმმა“ მიიღო.

ანაკლიის კონსორციუმი მიწვეული იყო კვირეულის პირველ დღეს გამართულ ფორუმ-დისკუსიაში, სახელწოდებით „ტრანსპორტი და ლოგისტიკა“. ფორუმის საპატიო სტუმრებს შორის გახლდათ ვიშეგრადული ოთხეულის (სლოვაკეთი, უნგრეთი, პოლონეთი, ჩეხეთი) სატრანსპორტო სექტორის წარმომადგენლები. ფორუმზე სიტყვით გამოვიდა და ანაკლიის პორტის პროექტი წარადგინა „ანაკლიის განვითარების კონსორციუმის“ გენერალური დირექტორის მოადგილემ კომერციის დარგში სალომე კელენჯერიძემ.

სატრანსპორტო კვირეულის ფარგლებში უამრავი კონფერენცია, ფორუმი და გამოფენა ჩატარდა. ანაკლიის ღრმაწყლოვანი პორტი მთავარი სესიის სპიკერად მიიწვიეს უკრაინის პორტების ადმინისტრაციის მიერ ორგანიზებულ „უკრაინის პორტების ფორუმზე“, რომელიც კვირეულის ყველაზე მნიშვნელოვანი ღონისძიება გახლდათ.

შემთხვევითი სიახლე

„ოფთალმოლოგიის ეროვნულ ცენტრში“ ქართული ოფთალმოლოგიის ფუძემდებლის, გიორგი ტარსაიძის ბიუსტი გაიხსნა

თბილისი (BPI) – „ნიუ ჰოსპიტალსის“ „ოფთალმოლოგიის ეროვნულ ცენტრში“ 11 ოქტომბერს, მხედველობის მსოფლიო დღის აღსანიშნავად, ქართული …